تــاج + NeW LooK

 

 السلام عليكم شخباركم بعد ما انتهت الإجازة ؟!
 توقعت إاني بكتب كثير فيها بس للأفس الشديد خلصت بسرعة كله ضيوف وعزايم وطلعات بس الحين الدوامات بتضبط جدولنا من جديد 

شرايكم باللوك الجديد حسيت ألوانه رايقة

مشكورة الغدوف .. بسمة الدنيا على التاج 
التــــاج

أسمك وأسم مدونتك ؟

ابتسمـ .. مدونة بصمآت

أحب الألوان , الأيام , الأرقام ؟

يوم الخميس

3 .. 5 .. 7

وردي فاتح .. بنفسجي غامق .. سماوي .. أصفر

برجك وتاريخ ميلادك ؟

بعد البحث والتنبيش اكتشفت إنه الحوت

تاريخ ميلادي *_^"

يقولون " إذا أردت المرأة أن تكذب فاسألها عن عمرها"

ويقولون" السر الوحيد الذي تستطيع المرأة أن تحتفظ به هــو عمــرها "
بس أنا بقولكم أنا ولدت أيام حرب الخليج وتقريبا قبل يوم التحرير بشوي

22فبراير 1991
وكل سنة فرحتي مع فرحة أهلي بالكويت
وبالمناسبة كل عام والكويت وأهلها بخير

يعني الحين بدخل 19 اخر طعشة والله شيء يعور القلب

مو لأني بكبر لا لأنها آخر طعش شعور غريب أحس إني أبغا أسوي كل شيء بهذي السنة

^_*

أهم مميزاتك , عيوبك , وماهي الصفة التي تتمنى أن تتوفر فيك ؟

مميزات طموحة متفائلة صبورة أسعى إلى تطوير نفسي نشيطة

انسانة خيااالية

ميزة لأني من خلال خيالي وأحلامي أقدر أوصل لأهدافي و أعش يومي وأزرع الأمل بنفسي

عيب لأنه بعض الأحيان خيالي يفصلني عن الواقع بشكل كبير

مني صريحة و أجامل كثير

صفة أتمناها

أتمنى إني أكون قادرة على اتخاذ قراراتي بدون ندم

ماهو مكانك المفضل ؟

غرفـــتـي

ايه هي هواياتك المفضلة ؟

أحب أرسم وأقرا وأحب الكورشية و الأعمال اليدوية عموما

ماهي المقولة التي تؤمن بها؟

"يركز الناجحون على الهدف النهائي ويرفعون رؤوسهم ناحيته بصرف النظر عن عدد المرات التي يقعون فيها "

والآية الكريمة قال تعالى {وَعَسَى أَنْ تَكْرَهُوا شَيْئًا وَهُوَ خَيْرٌ لَكُمْ وَعَسَى أَنْ تُحِبُّوا شَيْئًا وَهُوَ شَرٌّ لَكُمْ وَاللَّهُ يَعْلَمُ وَأَنْتُمْ لَا تَعْلَمُونَ}

أجمل هدية قدمت لك من مين ؟

كل هدية لها مكانة خاصة عندي

أسعد يوم في حياتك وأتعس يوم ؟

الحمد لله أيام السعادة كثيرة

يمكن أسعدها اليوم  اللي تخرجت فيه لما شفت فرحت أمي وأبوي وافتخارهم فيني عسى الله يخليهم لي ويحفظهم

وأتعس يوم هو اليوم اللي شفت فيه أخوي تعبان واتضح لنا إن حالته الصحية غير مستقرة  وما بيدي شيء أسويه له غير الدعاء الله يشافيه ويعافيه ويرفع عنه وجميع المسلمين  .. أميــــــــــــــــــــــــــن

موقف طريف لا ينسى من ذاكرتك ؟

ههههههههه هو بصراحة موقف كان طريف بوقته الحين لما أتذكره أحقد على نفسي

يوم من أيام الصيفية  كنت صغيرة جتنا بنت خالتي لبيتنا  اللي يشوفنا يقول سبحان الخالق هدوء غير طبيعي بس كل شيء من تحت لتحت "يجعل سره بأضعف خلقه" المهم اتفقنا مع بعض إننا ندخل الحمام "الله يعزكم" ونتخبى  ورا الستارة وأول ما يدخل أحد نقوله "ببوووو"  يعني بس نخوفه ^_^

باشرنا بتنفيذ الخطة ودخلنا وتخبينا ورا الستارة طولنا بس ما طفشنا ناوينها ناوينها

وبعد طول انتظار وأخير

سمعنا صوت الباب

الكشرة وصلت للسماء

 واخيــــــــــــــــــرا

واحد إثنين ثلاثة

بووووووووووووووووووو

وفجأة ما نسمع إلا أشهد أن لا إله إلا الله

أعوذ بالله

فمنا انفتح ووصل للأرض

أثاري اللي دخلت جدتي

وهي كبيرة بالسن

يوم دخلت وخوفناها بغا يوقف قلبها المسيكينة

وطلعت وهي خايفة وتتحسب علينا

وقتها كنت صغيرة فقعـــــــــت ضحك حسيت إن الخطة نجحت*_^
 بس الحين أنقهر من نفسي يا ثقل دمي

و من يومها وأنا لما أدخل أي مكان فيه ستارة لازم أفتحها إذا كانت منفوشة

"كل من يرا الناس بعين طبعه "

معاك ثلاث وردات لمن تهديها ؟

ثلاث قليل .. هل من مزيد^_^

الأولى لأمي الغالية وأبوي الغالي الله يحفظهم اللي وقفوا معي وساندوني وكانوا ورا نجاحي وتقدمي وابتسامتي

الثانية لإخواني وأختي الصغيرة  وتوأم روحي الله يخليهم لي

الثالثة بنت عمتي و لرفيقة دربي  ولصديقتي الطيوبة

والرابعه اكيد لكم زوار مدونتي الاعزاء ^_^

والخامسة هذي لي *_*

معاك رصاصات على من تطلقهم ؟

الله يكافينا الشر

بس فيه ناس يستحقونها وبجدارة

الأولى .. لكل يهودي غاصب معتدي محتل آذى إخواني المسلمين في فلسطين الحبيبة

الثانية .. لكل من أراد بوطني وبكل الدول الإسلامية السوء

الثالثة .. لكل إنسان محسوب إنه مسلم بس بالإسم شوه الإسلام وقلل من قيمته ولا دافع عنه

ايه رأيك في الحب ولمن تقول أجمل كلمة حب ؟

أجمل كلمة حب أهديها لأمي وأبوي

هل من السهل أن تمثل الحب لشخص يحبك لعدم جرح مشاعره؟

أبدا لأن الحب مشاعر صادقة صعب تمثييلها

المرأة في نظر الرجل لحظة حنان ........... أكمل ؟

أنا امرأة مدري عن نظرة الرجل  ^_*

الرجل في نظر المرأة الأمان .......... أكمل ؟

الحنان  مستودع الأسرار نصها الثاني 

أسعد خبر سمعته هذا العام ؟ وماهو أتعس خبر ؟

تونا بداية السنة بس أسعد خبر إلى الآن لما دقت توأم روحي علي تقولي إنها بتنام عندي

لمن تهدي التاج ؟

لكل متابعين مدونتي ^_^

اجآآزة :)

سبحان الله مسرع الوقت خلص السمستر الأول يعني خلاص ما صرت مستجده ^_^"

فرحااااااااانة خاصة إني أول وحده أجزت  قبل أخواني وبنات عمي  وبنات خالتي

..ما يحسد المال إلا أصحابة.. الله يستر بس 

ما شاء الله .. الله يبارك لنا بالاجازة

بداية إجازتي أذاكر لأخوي بأول متوسط وأول سنة يختبرون اختبارات نهائية لأن السنين اللي قبلها نظام التقييم السخيف

والله التقييم خربهم أشوف أخوي حالته تكسر الخاطر ما يعرف حتى شلون يذاكر من نفسه المهم قبل شوي خلصت مذاكره له والحين راح ينام إن شاء الله يسوي زين بالاختبار^_^

ملخص الفاينلات

اختباري الأول خبصت شوي كنت أحسب اني جايبه العيد بس يوم شفت اختبار أمس عرفت ايش معناة كلمة "جبت العيد "

اختبار أمس وما أدراك ما اختبار أمس كان جدا جدا جدا مدري

 ما ينوصف كريه صعب.. 4 اسئلة حصلي الشرف وتعرفت عليها.. ما قد مرت علي بالحياة بس أهم شيء إني الحين أجزت *_^

واختبار طلعت نتيجته.. الحمد لله تفتح النفس ..هذا من فضل ربي 

وإن شاء الله عقبال أفرح بنتايج الباقي ..

المهم شفتوا أيام الاختبارات تطب السناعة والنظافة والكتب والبرامج كلها تتسلط أيام الاختبارات يعني الغرفة كل شوي أقوم أرتبها وأكنسها

كل شوي أشتهي أسوي شيء بالمطبخ

أطلع الصالة وأكنسها

وأنا من النوع اللي ما أعرف أذاكر إلا وسماعة الجوال بأذاني

ما أقدر أركز الا وأنا أسمع أناشيد ولا وصوت عالي بعد

واذا تبغون تتأكدون اني مركزة بتشوفون اني ضاغطه على السماعة يعني داخله جو بالدراسة وشوفوا الوقت اللي يضيع وأنا من موقع لثاني أدور انشودة أعلق عليها هذي الفترة

طقوس عجيبه

أهم شيء أحب أسوية هو إني أرسم

أحب أرسم " وجيه" بس على المزاج يعني ما تطلع الرسمة حلوة إلا إذا كنت أذاكر وتنحت أو إذا كنت معصبة أو زعلانه

بس إذا كنت رايقة ما تطلع الرسمات حلوة

اليوم بحط لكم شوي من رسماتي

كنت أتمنى يكون عندي سكنر عشان تطلع الصور واضحة بس للأسف الشديد السكنر خربان فصورتها بكاميرا جوال

 مستر فهيم لابق عليه الاسم 

هذا فيه بوهه "دم" من حق ماك

هذا فيه براءة

كأنه عمر اللي بكابتن ماجد بس هذا وجهه أطول

ما حبيته بس يكسر الخاطر

اذنه تضحك

قولوا لي رايكم ؟!؟

الى اللقاء ^_^