اجآآزة :)

سبحان الله مسرع الوقت خلص السمستر الأول يعني خلاص ما صرت مستجده ^_^"

فرحااااااااانة خاصة إني أول وحده أجزت  قبل أخواني وبنات عمي  وبنات خالتي

..ما يحسد المال إلا أصحابة.. الله يستر بس 

ما شاء الله .. الله يبارك لنا بالاجازة

بداية إجازتي أذاكر لأخوي بأول متوسط وأول سنة يختبرون اختبارات نهائية لأن السنين اللي قبلها نظام التقييم السخيف

والله التقييم خربهم أشوف أخوي حالته تكسر الخاطر ما يعرف حتى شلون يذاكر من نفسه المهم قبل شوي خلصت مذاكره له والحين راح ينام إن شاء الله يسوي زين بالاختبار^_^

ملخص الفاينلات

اختباري الأول خبصت شوي كنت أحسب اني جايبه العيد بس يوم شفت اختبار أمس عرفت ايش معناة كلمة "جبت العيد "

اختبار أمس وما أدراك ما اختبار أمس كان جدا جدا جدا مدري

 ما ينوصف كريه صعب.. 4 اسئلة حصلي الشرف وتعرفت عليها.. ما قد مرت علي بالحياة بس أهم شيء إني الحين أجزت *_^

واختبار طلعت نتيجته.. الحمد لله تفتح النفس ..هذا من فضل ربي 

وإن شاء الله عقبال أفرح بنتايج الباقي ..

المهم شفتوا أيام الاختبارات تطب السناعة والنظافة والكتب والبرامج كلها تتسلط أيام الاختبارات يعني الغرفة كل شوي أقوم أرتبها وأكنسها

كل شوي أشتهي أسوي شيء بالمطبخ

أطلع الصالة وأكنسها

وأنا من النوع اللي ما أعرف أذاكر إلا وسماعة الجوال بأذاني

ما أقدر أركز الا وأنا أسمع أناشيد ولا وصوت عالي بعد

واذا تبغون تتأكدون اني مركزة بتشوفون اني ضاغطه على السماعة يعني داخله جو بالدراسة وشوفوا الوقت اللي يضيع وأنا من موقع لثاني أدور انشودة أعلق عليها هذي الفترة

طقوس عجيبه

أهم شيء أحب أسوية هو إني أرسم

أحب أرسم " وجيه" بس على المزاج يعني ما تطلع الرسمة حلوة إلا إذا كنت أذاكر وتنحت أو إذا كنت معصبة أو زعلانه

بس إذا كنت رايقة ما تطلع الرسمات حلوة

اليوم بحط لكم شوي من رسماتي

كنت أتمنى يكون عندي سكنر عشان تطلع الصور واضحة بس للأسف الشديد السكنر خربان فصورتها بكاميرا جوال

 مستر فهيم لابق عليه الاسم 

هذا فيه بوهه "دم" من حق ماك

هذا فيه براءة

كأنه عمر اللي بكابتن ماجد بس هذا وجهه أطول

ما حبيته بس يكسر الخاطر

اذنه تضحك

قولوا لي رايكم ؟!؟

الى اللقاء ^_^