السلام عليكم ورحمة الله وبركاته
الحمد لله الذي يسر لي فتح هذه المدونه فالشكر له اولاَ واخيراَ
الى.. كل اللي بيزورون مدونتي المتواضعه وبيكونون يوم من الايام اصحاب المدونة
.. بصمات .. صار لي مدة وانا افكر فيها متى اكتب اول موضوع لي متى الوقت المناسب وايش اكتب وهل بلاقي من يدخل ويكتب لي تعليق ... الخ
بس اللي شجعني وحمسني هي الفكرة اللي سويت عشانها المدونة
اكيد تبغون تعرفون ايش هي .. بصراحه انا دخلت لي دورة من فترة وكانت اللي تسوي الدورة تتكللم عن الانسان وبصماته في الحياة
هل هي ايجابية او سلبيه والحمد لله لما سئلتنا عن بصماتنا الاغلبية كان عنده بصمة واضحه او على الاقل مخطط لبصمة
ولكن كان فيه مجموعه بسيطه ما كان عندهم بصمات او بالاصح عندهم بس ما اكتشفوها ..احنا هنا بنكتشفها..
طبعا الدورة هذي اثرت فيني كثير
عشان كذا سميت المدونة بصمات لانها ان شاء الله بتنشر بصماتكم
في هذي المدونة ما راح انشر كلامي واقرا تعليقاتكم وخلاص
لا ..
كل مرة بنحاول نتكلم عن شيء يعني بصراحه المدونة مو ثقافية ولا ادبية ولا علمية ولا رياضية هي كوكتيل فرصه الواحد ينمي ثقافته
وان شاء الله كل اللي يدخل يلاقي شيء يعجبه
انتو هنا بتكونون قلمي اللي يكتب اي موضوع حابين نتكلم عنه تقدرون تقترحونه وابشرو ما يصير خاطركم الا طيب
صح فيه شيء نسيته اللي حب يكتب تعليق حياه الله بس ودي نبداها بداية حلوة وهي بنهاية التعليق تكتبون عبارة.. حديث.. بيت شعر.. شيء حلو يقدر اللي يقراه يستفيد منه تذكروا انه مو اجباري بس بتكون بصمه حلوة
لو تلاحظون اني كتبت بالعامية السموحه منكم بس ان شاء الله يوم من الايام نخصصه للعربي الفصحى وحتى التعليقات بتكون بالفصحى تجهزوا مع ان المفروض كل الايام بس ان شاء الله نتعلم ونتطور مع بعض وخلاص نودع العامي
تذكروا اهم شيء ما نكتب الا اللي يرضى الله سبحانه وتعالى
ولانها اول مرة
عشر تعليقات بتصيبني بفرحه عارمة
ثلاث تعليقات كافية لارضائي
والكارثة لو احد بعد قراءة الموضوع يحسبني اتكلم عن بصمة اليد^_^
ايه صح كل عام وانتو بالف خير افتتاحية حلوة للمدونة
اشوفكم على خير
